१७३ जना नयाँ संक्रमित थपिए

नेपालमा दिनानुदिन कोरोनाभाइरसको सङ्क्रमण बढ्दै गएको छ। पछिल्लो २४ घण्टामा ३९६ जना कोरोना संक्रमणमुक्त भएका छन् भने थप १७३ जना नयाँ संक्रमित थपिएका छन्। स्वास्थ्य तथा जनसंख्या मन्त्रालयकाअनुसार २ हजार ८३९ जनाको कोभिड परीक्षण गर्दा सो व्यक्तिहरुलाई संक्रमण पुष्टि भएको हो।

त्यस्तै, सोहि अवधिमा कोरोनाका कारण आज मृत्यु हुनेको संख्या शुन्य रहेको छ। अहिले देशभर सक्रिय संक्रमितको संख्या ३६१२ रहेको मन्त्रालयले जनाएको छ। नेपालमा कोरोनाका कारण मृत्यु हुनेको संख्या ११,९९९ पुगेको छ।

अहिले कोरोना संक्रमणबाट मुक्त्त हुने दर ९८.४% रहेको छ भने आज ४७,१५२ जनाले कोरोनाविरुद्धको खोप लगाएका छन्।