गायिका जोशीको ‘पछ्यौरी’ बोलको नयाँ गीत सार्वजनिक

गायिका इन्दिरा जोशीले ‘पछ्यौरी’ बोलको नयाँ गीत सार्वजनिक गरेकी छन्। इन्दिरा जोशीले बिहीबार काठमाडौंमा कार्यक्रम आयोजना गरी उक्त्त गीत सार्वजनिक गरेकी हुन्।

इन्दिराकै स्वर, शब्द र संगीत रहेको गीतको भिडियोमा निराजन प्रधान र स्वयं इन्दिराले नै अभिनय गरेका छन्। उक्त भिडियोलाई प्रवीण सिंहले निर्देशन गरेका छन् भने किरण तुलाधरले एरेन्ज गरेका छन्। हरि हुमागाईंले छायांकन गरेको भिडियोलाई प्रवीण श्रेष्ठले सम्पादन गरेका छन्।

केहि हप्ता अघि बिहे गरेकी इन्दिराको विवाहपछिको यो पहिलो गीत रहेको छ । गीत सार्वजनिक कार्यक्रममा गायिका इन्दिरा जोशी आफ्ना पति शरद केडियाका साथ रातो सारीको पहिरनमा उपस्थित भएकी थिइन्।