अवैध लागूऔषध गाँजा सहित २ जना पक्राउ

धादिङमा अवैध लागूऔषध गाँजा सहित २ जना पक्राउ परेका छन् । धादिङको गजुरी गाउँपालिका-२ मलेखुबाट १ किलो ९४० ग्राम अवैध लागूऔषध गाँजा सहित २ जनालाई सोमबार साँझ प्रहरीले पक्राउ गरेको छ । 

पक्राउ पर्नेहरुमा सोही ठाउँस्थित खरेल होटलका संचालक मुक्तिराज खरेल र नवलपरासी(पूर्व) कावासोती नगरपालिका-८ बस्ने २७ वर्षीय सुदर्शन सापकोटा रहेका छन् । खरेलले गाँजा बिक्री गरिरहेको भन्ने सूचनाको आधारमा प्रहरी चौकी मलेखुबाट खटिएको प्रहरीले उक्त गाँजा सहित फेला पारी उनीहरुलाई पक्राउ गरेको हो । 

यस सम्बन्धमा थप अनुसन्धान भईरहेको प्रहरीले जनाएको छ।  नेपाल प्रहरी