अवैध लागूऔषध सहित २ जना पक्राउ

बागलुङमा अवैध लागूऔषध गाँजा,नगद र मोबाइल सहित २ जना पक्राउ परेका छन् । बागलुङको नगरपालिका-२ स्थित बेष्ट वान रेष्टुरेन्टबाट ३ सय ९० ग्राम अवैध लागूऔषध गाँजा, नगद १० हजार रूपैयाँ र १ थान मोबाइल सहित २ जनालाई आइतबार दिउँसो प्रहरीले पक्राउ गरेको छ ।

पक्राउ पर्नेहरूमा काठेखोला गाउँपालिका-४ तग्राम बस्ने २२ वर्षीय राजु थापा र चितवन खैरेनी नगरपालिका-६ घर भई हाल बागलुङ नगरपालिका-२ श्रीनगर टोल बस्ने २३ वर्षीय समिर अन्सारी रहेका छन् । थापाले लागूऔषध बिक्री गरेको भन्ने सूचनाको आधारमा जिल्ला प्रहरी कार्यालय बागलुङबाट खटिएको प्रहरीले उनीहरूलाई उक्त लागूऔषध सहित फेला पारी पक्राउ गरेको हो । 

यस सम्बन्धमा थप अनुसन्धान भईरहेको प्रहरीले जनाएको छ।  नेपाल प्रहरी