नेपाली बजारमा आज सुनको भाउमा सामान्य वृद्धि

आज साताको दोस्रो कारोबार दिन सोमबार नेपाली बजारमा सुनको भाउमा सामान्य वृद्धि आएको छ । आज सुनको मूल्य तोलामा २०० रुपैयाँले बढेको छ । सुनको मूल्य आज २०० रुपैयाँले बढेर ९७ हजार ७०० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

आइतबार ९७ हजार ५०० रुपैयाँमा कारोबार भइरहेको सुन आज तोलामा २०० ले बढेर तोलाको ९७ हजार ७०० रुपैयाँमा कारोबार भइरहेको महासंघले जनाएको छ । आइतबारको तुलनामा सोमबार तोलामा २०० रुपैयाँको वृद्धि आएको हो ।

यस्तै, तेजाबी सुनको मूल्य प्रतितोलामा९७ हजार २०० रुपैयाँमा कारोबार भइरहेको छ । सोमबार सुनको मूल्य सामान्य बढे तापनि चाँदीको मूल्यमा भने स्थिरता छाएको छ ।

सोमबार चाँदीको भाउ स्थिर रहँदै तोलाको १ हजार २६५ रुपैयाँ नै कायम भएको छ । हिजो तोलामा १० रुपैयाँले घटेर चाँदी १ हजार २६५ रुपैयाँमा किनबेच भएको थियो ।