झुण्डिएको अवस्थामा एक महिलाको शव फेला

भक्तपुरमा एक महिलाको शव फेला परेको छ ।

भक्तपुरको चाँगुनारायणमा झुण्डिएको अवस्थामा एक महिलाको शव फेला परेको छ । आज बिहान चाँगुनारायण नगरपालिका-२ दुवाकोटकी ४५ वर्षीय कल्पना गुरुङ आफ्नै घरमा झुण्डिएको अवस्थामा फेला परेकी हुन् ।

जिल्ला प्रहरी परिसर भक्तपुरले बताए अनुसार गुरुङ बिहान साढे ६ बजे घरको तेस्रो तलाको बरण्डामा सलको पासोमा झुण्डिएको अवस्थामा मृत भेटिएको हो। 

प्रहरीले मृतक गुरुङको शव पोष्टमार्टमका लागि दुवाकोटकै केएमसी अस्पतालमा पठाई घटनाको अनुसन्धान सुरु गरिएको बताएका छन्।