सामूहिक बलात्कारको आरोपमा चारजना पक्राउ

काठमाडौंको बौद्धमा एक युवतीमाथि सामूहिक बलात्कार भएको छ । २४ वर्षीया युवतीको बलात्कारमा संलग्न रहेको आरोपमा प्रहरीले चार जनालाई पक्राउ गरेको छ।
काठमाडौंका २४ वर्षीय रितेश तामाङ, सिन्धुपाल्चोकको मेलम्ची नगरपालिका २ का रिन्जेन शेर्पा, सर्लाहीको बागमती घर भएका ३४ वर्षीय उत्तम लामा र होटल सञ्चालक सिन्धुपाल्चोक भोटेकोशी गाउँपालिका ४ घर भई बौद्ध बस्ने आङ्निमा पक्राउ परेका छन्।
काठमाडौं महानगरपालिका ६ बौद्धस्थित लुङता गेष्ट हाउसमा लगेर २४ वर्षीया युवतीलाई गत आइतबार दिउँसो उनीहरुले पालैपालो जबरजस्ती करणी गरेका प्रहरी परिसर काठमाडौंले जनाएको छ।
प्रहरी वृत्त बौद्धबाट खटिएको प्रहरी टोलीले पीडित युवतीको उजुरीको आधारमा काठमाडौंका विभिन्न स्थानबाट उनीहरुलाई पक्राउ गरेको हो।