विश्व वातावरण दिवसको अवसर पारेर सशस्त्र प्रहरी बलको प्रधान कार्यालयमा वृक्षरोपण

सशस्त्र प्रहरी बल नेपालको प्रधान कार्यालय परिसरमा विश्व वातावरण दिवसको अवसर पारेर वृक्षरोपण गरिएको छ ।
फलफूल लगायत विभिन्न जातका ८१ वटा बोटविरुवा सशस्त्र प्रहरी महानिरीक्षक राजु अर्यालको समेतको सहभागितामा रोपिएको सशस्त्र प्रहरी बलले जनाएको छ ।
त्यसअवसरमा सशस्त्र प्रहरी अतिरिक्त महानिरीक्षक नारायणदत्त पौडेल लगायत सशस्त्र प्रहरी बल नेपालका अधिकृत, जुनियर अधिकृत तथा बिल्लादार जवानहरुको सहभागिता थियो ।
देशभरका सशस्त्र प्रहरी बलका विभिन्न इकाइहरुमा समेत वृक्षरोपणको कार्यक्रम रहेको सशस्त्र प्रहरी नायव उपरीक्षक सुमन शर्माले जनाए।  सन् १९७३ देखि विश्वमा वातावरणप्रति सचेतना फैलाउने उद्देश्यले संयुक्त राष्ट्रसंघको आह्वानमा हरेक वर्षको ५ जुनमा विश्व वातावरण दिवस मनाउने गरिन्छ ।