अमेरिकामा गोलीबारीमा परि चार जनाको मृत्यु

अमेरिकामा गोलीबारीमा परि चार जनाको मृत्यु भएको छ । अमेरिकाको ओक्लाहोमाको एक मेडिकल भवनमा राइफल र ह्यान्डगन लिएका एक व्यक्तिले गोली चलाउँदा आक्रमणकारीको पनि आफैले चलाएको गोली लागेर मृत्यु भएको समाचार एजेन्सी रोयटर्सले बताएको छ। 

उमेर ३५ देखि ४० वर्षको बीचमा रहेको आक्रमणकारीको पहिचान गर्ने प्रयास भइरहेको ओकलाहोमाका प्रहरी अधिकारी जोनाथन ब्रुक्सले बताएका छन् । अर्का प्रहरी अधिकारी एरिक डल्ग्लासले डाक्टरहरूको कार्यालय र अर्थोपेडिक सेन्टर रहेको अस्पतालको दोस्रो तल्लामा आक्रमण भएको र पीडितहरू कर्मचारी र बिरामी दुवै रहेको बताए।

आक्रमणबारे ह्वाइट हाउसले राष्ट्रपति जो बाइडेनलाई जानकारी गराइएको जनाएको छ ।