सुनको मूल्य आज २०० रुपैयाँले घट्यो

आज मंगलबार साताको तेस्रो दिन नेपाली बजारमा सुनको भाउ घटेको छ । आज सुनको मूल्य तोलामा २०० रुपैयाँले घटेको छ । सुनको मूल्य आज २०० रुपैयाँले घटेर ९८ हजारमा कारोबार भईरहेको नेपाल सुनचाँदी व्यवसायी महासंघले जनाएको छ ।

सोमबार ९८ हजार २०० रुपैयाँमा कारोबार भइरहेको सुन आज तोलामा २०० ले घटेर तोलाको ९८ हजारमा कारोबार भइरहेको महासंघले जनाएको छ ।  सोमबारको तुलनामा मंगलबार तोलामा २०० रुपैयाँको ह्रास आएको हो ।

यस्तै, तेजाबी सुनको मूल्य प्रतितोलामा ९७ हजार ५०० रुपैयाँमा कारोबार भइरहेको छ । मंगलबार सुनको मूल्य घटेसँगै चाँदीको मूल्यमा पनि घटेर आएको छ ।

मंगलबार चाँदीको भाउ तोलामा १५ रुपैयाँले घटेर १२ सय ७० रुपैयाँ कायम  भएको छ । हिजो भाउ स्थिर रहँदै चाँदी १ हजार २८५ रुपैयाँमा किनबेच भएको थियो ।