चितुवाको आक्रमणबाट सात वर्षीय बालकको मृत्यु

सन्धिखर्क–४ वाङला अमलडाँडामा चितुवाको आक्रमणबाट एक बालकको मृत्यु भएको छ। मृत्यु हुनेमा गुल्मीको रेसुङ्गा घर भई सो स्थानमा बस्दै आएका सात वर्षीय सम्राट नेपाली रहेका छन् । जिल्ला प्रहरी कार्यालयका प्रहरी नायब उपरीक्षक अमरबहादुर थापाले नेपालीको विहीबार चितुवाको आक्रमणबाट मृत्यु भएको जानकारी दिए।
ती बालक मामाघर बस्दै आएका थिए। भगवती आधारभूत विद्यालयमा कक्षा २ मा अध्ययनरत नेपालीलाई खेल्न गएका बेला चितुवाले आक्रमण गरेको थियो। चितुवाले घरभन्दा करिब एक किमी टाढा लगेर बालकलाई मारेको अवस्थामा स्थानीयवासीले फेला पारेपछि प्रहरीलाई खबर गरेको प्रनाउ थापाले बताए ।