छ घण्टा फेसबुक बन्द हुँदा जुकरबर्गले गुमाए ६ बिलियन डलर

  • वर्ल्ड दैनिक
  • २ साल अघि
  • ३७२ पटक पढिएको

फेसबुकका सह–संस्थापक तथा मुख्य कार्यकारी अधिकारी मार्क जुकरबर्गलाई  ६ बिलियन डलरको नोक्सानी भएको छ ।  नेपाली समयानुसार सोमबार राती करिब १० बजेतिर संसारभरी फेसबुकका सबै सेवा डाउन भए सँगै उनलाई भारी नोक्सानी हुन पुगेको हो । 

यससँगै उनी अर्बपतिको सूचीबाट दुई स्थान तल झरेका अन्तरास्ट्रिय संचार माध्यमहरुले जनाएका छन् । ब्लुमबर्ग बिलिनियर्स इन्डेक्समा उनी पाँचौं नम्बरमा झरेका हुन् । फेसबुकका विभिन्न सेवाका साथै इन्स्टाग्राम, ह्वाट्सएप, अमेरिकी टेलिकम कम्पनीहरु करिब ६ घण्टा सम्म डाउन भएका थिए । 

डाउनडिटेक्टरका अनुसार यो अहिलेसम्मकै ठूलो असफलता हो । विश्वभरबाट १०.६ बिलियन समस्याहरू रिपोर्ट भएको डाउनडिटेक्टरले जनाएको छ । 

ब्लुमबर्गका अनुसार सोमबार फेसबुकको सेयर मूल्य ४.९ प्रतिशतले घटेको छ । मध्य सेप्टेम्बरयता मात्रै फेसबुकको सेयर मूल्य झन्डै १५ प्रतिशतले ओह्रालो लागेको छ।

यता फेसबुकले भने त्यसलाई नेटवर्किङसम्बन्धी समस्या बताउँदै माफी मागेको छ ।

 

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित