काठमाडौंमा हैजाको संक्रमण बढ्दो, थप दुई जनामा हैजा पुष्टि

काठमाडौंमा हैजा हुनेको संख्या बढ्दो क्रममा छ। आज थप दुईजनामा हैजा संक्रमण देखिएसँगै अहिले सम्म १९ जनामा हैजा संक्रमण पुष्टि भएको छ।

संक्रमण हुनेमा चार र पाँच वर्षका बालक रहेका छन्। इपिडिमियोलोजी तथा रोग नियन्त्रण महाशाखाका निर्देशक डा चुमनलाल दासले दिएको जानकारी अनुसार कागेश्वरी मनहरा नगरपालिकामा दुई बालकमा हैजा पुष्टि भएको हो।

दुवै बालक स्थानीय अस्पतालमा उपचारपछि घर फर्किएका छन्।